आज रविवार रे, जोतिबाचा वार रे

श्री केदाराय नमः

आज रविवार रे ,जोतिबाचा वार रे 

जोतिबाचा चांगभला ,करा जयजयकार रे  ll

ब्रह्म विष्णु शिव अग्नी ,ज्योतिस्वरूप धारी रे

ज्योती स्वरूप धारी  l

उत्तरेचा केदारेश्वर ,आला रत्नागिरी रे 

आला रत्नागिरी  l 

चतुर्भुज राजा दयाधन, घोड्यावरती स्वारी रे 

घोड्यावरती स्वारी रे  l आज रविवार रे ........

त्रिशूल डमरु खड्ग हाती,असुरांसि संहारी रे 

असुरांसि संहारी  l 

अमृतपात्र घेऊनी आला ,भक्तांचा कैवारी रे 

भक्तांचा कैवारी  l 

सह्याद्रीवरी ऊभा राहिला ,पंचगंगेच्या तीरी रे 

पंचगंगेच्या तीरी रे  l

आज रविवार रे ,माझ्या देवाचा वार रे 

जोतिबाचा चांगभला ,करा जयजयकार रे  ll