गुरु स्मरण

!!  श्रीगुरु स्मरण  !!
गुरु रायांचे स्मरण करा हो, गुरु देवांचे स्मरण करा ।
मानव देही जन्मा येऊनी, सार्थक त्याचे करा जरा हो ।।
मी, माझे अन मलाच सारे, अहंकृतीचे भरले वारे,
मोहांधाने धुंद होऊनि, सोडु नको तू मार्ग खरा हो ।।
सदगुरु ईश्वर एकच असती, द्वैताची हो सोडा भ्रांति,
सर्व समर्पण करुनि चरणी, भजन तयाचे करा जरा हो ।।
सदगुरुंनी तुज देवत्वाची, दिली साधना महाशक्तिची,
याचि देही मुक्त होऊनी,  ब्रह्मपदी तू राही सदा हो ।।
गुरु रायांचे स्मरण करा हो, गुरु देवांचे स्मरण करा ।
मानव देही जन्मा येऊनी, सार्थक त्याचे करा जरा हो ।।
!! ॐ नमो श्री भगवते स्वामी समर्थाय नम: !!
           !! श्री स्वामी समर्थ !!
        !! श्री गुरूदेव दत्त दत्त !!
               स्वामी सकाळ