जन्मोजन्मी ऐसा सदगुरु मिळेल जरी मजला..
अनेक योनी भोगीन सुखे स्वानंदा सजला....
आता आता जरा जराशी
भक्ती करू लागलो आहे
भक्ती करणे हाती नसते
काही समजू लागलो आहे ......
भक्ती म्हणजे खास काही
तसे वेगळे करणे नसते
अन शरणागती म्हणजे हि
ठरवून शरण जाणे नसते ......
मन मनाशी उगाच खेळते
परी मना ते ठाऊक नसते
सुटले जरी धन दारा सुत
मन अजून सुटलेले नसते .....
इथला सुटला जरी हव्यास
तिथला परी अजून असतो
भक्तीचे हे महा माया जाल
कुणी विरळा एक जाणतो ......
No comments:
Post a Comment