अक्कलकोट स्वामीराया

।।श्री स्वामी समर्थ दरबार।।
🚩🚩🚩🚩🚩🚩🚩🚩🚩🚩
अक्कलकोटी स्वामीराया, नमन माझे तुझिया पाया
अवधूत दिगंबर, अवतार रुपे तुझिया
कामक्रोध अनिवार, दवडिसी निमिषभराया
रुप तुझे मनोहर, पुष्प वर्ण गौर काया
दर्शन दे त्वरित, निववी नेत्र लवकरी या
कर्ण आसुसले आता, वाणी मंजुळ ऐकावया
आजानुबाहू देह, उभवी थोर कृपा कराया
पुरवि माझी आस त्वरित, दर्शना ये धावुनिया
शब्द मुखासी न उमटे, गळा येता दाटुनिया
कृष्णदास विनवितो, देहभान विसरुनिया
कृपा करा कृपा करा, श्री समर्थ स्वामीराया
नको पाहु अंत असा, जाण भावा मनाचिया
येरे येरे धावुनिया, श्री समर्थ स्वामीराया!
येरे येरे धावुनिया, श्री समर्थ स्वामीराया!!
🙏🙏🙏🙏🙏🙏🙏🙏🙏🙏
                  !! श्री स्वामी समर्थ !!
               !! श्री गुरूदेव दत्त दत्त !!