देवा जन्म आता तुझ्या पायावर

माघी गणेश जयंती च्या मनोभावे शुभेच्छा...!!
देवा जन्म आता तुझ्या पायावर
जगण्या आधार नाम तुझे ।।१
सांभाळी  कृपाळा जरी  भटकलो
तमी सापडलो मोहरात्री ।।२
करावी सोबत आणावे शोधत
घालावे पोटात अपराध ।।३
पाही बेडकाची उडी चिखलात
परी सांभाळत तया  तुच ।।४
अन  हत्येवीन जया  नाही  जीणे
घडे  सांभाळणे तया  तुवा ।।५
व्याघ्रादी  केसरी श्वान भूल्लुकासी
हरीण हत्तीसी प्रतिपाळी  ।।६
म्हणून मजला वाटतसे आशा
जरी  घोर निशा सभोवती  ।।७
माझिया चुकांचे करावे क्षालन 
पतित पावन दिगंबरा ।।८
-----विक्रांत प्रभाकर तिकोणे
!! ॐ नमो भगवते श्री स्वामी समर्थाय नम: !!