अशी लीला आहे माझ्या अक्कलकोट स्वामींची

!! Om Shri Swami Samarth Maharaj !!

श्री स्वामी समर्थ

तूज जवळ येता,
शांती लाभे मनाची।
मग्न होतो तुझ्यात जशी फिरे कांडी जादूची|
अशी आहे लीला माझ्या अक्कलकोट स्वामींची ||

कधी प्रेमळ असे तर कधी कठोर|
कधी निरागस असे तर कधी खोडकर|
ही आहे किमया तुझ्या या नजरेची|
अशी आहे लीला माझ्या अक्कलकोट स्वामींची||

गर्व करणार्यास शासन।
शरण येणार्यास आसन।
हीच असे रीत तुझ्या दरबाराची।
अशी आहे लीला माझ्या अक्कलकोट स्वामींची||

जो मनापसूनी तुझा झाला।
जो भक्तीने तुझ्या चरणी आला।
त्याला भीती नसे या जगाची। अशी आहे लीला माझ्या अक्कलकोट स्वामींची||

पाहूनी तुला नेत्र नमती।
मूखही तूझेच नाम घेती।
भव्य आहे, दिव्य आहे शक्ती तुझ्या तेजाची।
अशी आहे लीला माझ्या अक्कलकोट स्वामींची||

तू आहेस माय-बाप माझा। सखा-सोबतीही तूच आहेस।
अशीच छत्रछाया असूदे तुझ्या अगणित प्रेमाची।
अपरंपार लीला आहे माझ्या अक्कलकोट स्वामींची||