गुरुदेवा स्वामी समर्था घडू दे सेवा

🌹!! ओम श्री स्वामी समर्थ !!
   🙏🙏 प्रार्थना 🙏🙏

हे गुरुवरा स्वामी समर्था !
अखंड घडू दे सेवा आता तव चरणी माझी सदा ॥
मी आहे प्रभू हीन-दीन अज्ञानी !
शरण तुला आलो दे आश्रय चरणी ॥
तुझे नाम असु दे सदैव ओठी !
ही काया झिजावी केवळ तुझ्या सेवेसाठी ॥
ह्दयसिंहासनी माझ्या प्रभू तुम्ही जगजेठी !
जीव आतुर तुमच्या दर्शनासाठी ॥
चंचल मन माझे गुरुराया करा तुम्ही शांत !
अज्ञान अंध:काराचा होऊ दे अंत ॥
तुझ्या नामसंकीर्तनी मन सदैव राहो दंग !
संत-सहवासे पालटू देत अंतरंग ॥
माझी उपासना रोज असावी !
नेत्रास सदैव तुझी मूर्ती दिसावी ॥
जय जय स्वामी समर्थ जप घडावा !
चित्तवृत्ती जपातच भक्तीची बाग बहरावी ॥
परोपकार माझ्या करी नित्य व्हावा !
कधी न तुझा विसर पडावा ॥
संसारात स्वामी तुमची सोबत मिळावी !
आत्मज्योत चैतन्यातच विलीन व्हावी ॥
🏵ॐश्री स्वामी समर्थ 🏵