लेण्यान्द्रीचा गिरिजात्मक

ॐ गं गणपतये नमः l

उमा कामना त्या पुर्तीचा
गिरिजात्मक तो लेण्यान्द्रीचा  ll धृ ll

सहज एकदा देवी पार्वती
लेण्याण्द्रिच्या गुहेत होती
तिने चिंतिले आपुल्या पोटी
गणेश जन्मता क्षण भाग्याचा ll 1 ll

मूर्त मातीची तिने बनविली
चिंतन पुजा सारी केली
भक्ति मग ती फळास आली
प्रकाश पसरे सजीव मूर्तिचा ll 2 ll

दिव्य तेज जरी पुढे पसरले
गिरिजेचे पण डोळे  मिटले
गजाननाने जागे केले
सफल तिचा मग हेतु मनीचा  ll3 ll

भाद्रपदातील शुद्ध चतुर्थी
जिथे प्रकटले देव गणपती
तिथेच केली प्रभूने वसती
गिरिजात्मक तो लेण्यांद्रिचा ll 4 ll