नृसिंह भगवान जयंती

#आज_भगवान_नृसिंह_जयंती !

जागृत होई बा नरसिंहा
मत्त हा हिरण्यकश्यपू पहा ।।

मानवता बघ दावणीला लागली
शांती विकासाची गोष्ट ही मिटली।
खुळचटअहिंसा सिद्ध करण्या
किती बळी मागसी पुन्हा ।।

जागृत होई रे सिंह अवतारा
दैत्य ओकित आहे गरळा
काढी फाडूनी पुन्हा कोथळा
करी पराक्रम शिवनृपा परी हा।।

सिद्ध करी "साधू परित्राण"
त्रिशुल डमरू जटा उडवून
तिसरे नेत्र पुन्हा उघडून
करी शत्रुसी स्वाहा ।।

अहिंसा शोभे बलशाल्यासी।
न की शक्तिविहिन गांडुळासी।
शस्त्रसज्ज विजयी धुरंधरासी।
जयजयकारीती दिशा दहा।।