महालक्ष्मी आई भवानी आदिशक्ति

महालक्ष्मी आई भवानी देवी ,आदी शक्ती तु जननी ।
अति प्रेमाने करुनी आरती , मस्तक ठेवितो मि चरणी ।।धृ।।

दिससी वेडी अससी भोळी । महान शक्ती तुज जवळी ।।
येतो प्रत्यय तव भक्तांना । संकट त्यांचे तु टाळी ।।
कुठेही राहीशी ग्रामी फिरशी । परी नसे तुज भान मुळी ।।
आत्मस्वरुपी तल्लीन असुनी । ब्रह्मानंद उचंबळी ।।१।।अंबाबाई माते नामे जपता । कलीकालही थरथरती ।।
तव नामाचा महीमा गाता । असंख्य पापे दुर होती ।।
अति श्रध्देने घेवुनी दर्शन । असाध्य रोगी बरे होती ।।
ऐसा महीमा तव कृपेचा वर्णू माऊले मी कीती ।।२।।

भक्त तुझे जे धावा करीती । त्यांच्या साठी धावुन जासी ।।
अवघ्या चिंता निवारुनीया । संकट मुक्त मग करीशी ।।
दिन दयाळे भक्त वत्सले । माय माऊले अनसुये ।।
पापी जनही उध्दरताती । केवळ तुझीया कृपे मुळे ।।३।।

चिंध्या चिरकुट्या करी घेवुनी । पिशापरी तु भासविली ।।
भुत भविष्य कथन करुनी । निज भक्तांना विचविशी ।।
बाळ दिनु हा नम्र होवुनी । आला शरण तव चरणी