विठू माझा लेकुरवाळा
संगे गोपाळांचा मेळा
विठू माझा लेकुरवाळा
निवृत्ती हा खांद्यावरी सोपानाचा हात धरी
पुढे चाले ज्ञानेश्वर मागे मुक्ताई सुंदर
विठू माझा लेकुरवाळा
गोरा कुंभार मांडीवरी चोखा जीवा बरोबरी
बंका कडेवरी नामा करांगुळी धरी
विठू माझा लेकुरवाळा
जनी म्हणे गोपाळा करी भक्तांचा सोहळा
जनी म्हणे गोपाळा करी भक्तांचा सोहळा
विठू माझा लेकुरवाळा संगे गोपाळांचा मेळा
विठू माझा लेकुरवाळा
No comments:
Post a Comment