शिवशंभो महादेवा त्यांना सुखी ठेव

महाशिवरात्रीच्या हार्दिक शुभेच्छा

शिवशंभो महादेवा त्यांना सुखी ठेव
ज्यांच्या ध्यानी मनी सदा असे बंधुभाव ll

मनामध्ये एक भाव,मुखी दुजी भाषा
सदा त्यांच्या जीवनात, येई रे निराशा
अंतःकरणात त्यांच्या ठेव प्रेमभाव
सदा सुखी ठेव ,ज्यांच्या मनी बंधुभाव ll

शिव हर भोलेनाथ, भक्त तुझा भोळा
दानवांच्या मेळाव्यात, होई चोळामोळा
भोळ्या भक्ताला रक्षाया, घे रे देवा धाव
सदा सुखी ठेव ,ज्यांच्या मनी प्रेमभाव ll

तूच कर्ता करविता, तूच लयकारी
जगाच्या कल्याणा करी, ध्यान निरंतरी
जैसे कर्म तैसे फळ , देई  महादेव
सदा सुखी ठेव, ज्यांच्या मनी प्रेमभाव ll