पुण्याच्या नव्या विमानतलाचा टेक-ऑफ

पुण्याच्या नव्या विमानतळाचा ‘टेक-ऑफ’ Maharashtra Times | Feb 16, 2016, 03.12 AM IST Whatsapp Facebook Google PlusTwitter Email plane AAAचाकणला पसंती; जेजुरी व चौफुल्याचा पर्याय मुख्यमंत्री फडणवीस करणार घोषणा म. टा. प्रतिनिधी, पुणे गेली आठ वर्षे जागा निवडीच्या शोधात अडकलेला पुण्याचा आंतरराष्ट्रीय दर्जाचा विमानतळ आता 'टेक-ऑफ' घेणार असून, नव्या जागेची घोषणा लवकरच करणार असल्याचे मुख्यमंत्री देवेंद्र फडणवीस यांनी सोमवारी मुंबईतील एका कार्यक्रमात सांगितले. या विमानतळासाठी चाकणजवळील काये-पाईट-केंदूर जागेलाच विमानतळ प्राधिकरणाने (एअरपोर्ट ऑथोरिटी ऑफ इंडिया) पसंती दिली आहे. त्या दृष्टीने मागील आठवड्यात प्राधिकरणाच्या उच्चपदस्थ अधिकाऱ्यांच्या पथकाने जागेची फेरपाहणी केली. त्यासंबंधीचा तांत्रिक अहवाल लवकरच मुख्यमंत्र्यांना सादर केला जाणार असल्याचे सूत्रांकडून सांगण्यात आले. खेड तालुक्यातील कोये-पाईट-केंदूर या गावांसह पुरंदर तालुक्यातील जेजुरी आणि दौंडमधील चौफुला येथील पर्यायी जागेवरही विमानतळाचा प्रस्ताव आहे. त्या दृष्टीने यापूर्वी विमानतळ प्राधिकरणाकडून पाहणी झाली आहे; मात्र त्या संबंधीचा प्रस्ताव फारसा पुढे सरकला नाही. पुण्यातील आंतरराष्ट्रीय विमानतळासाठी सुरुवातीला खेड तालुक्यातील चाकणसह चांदूस, तसेच कोये-पाईट अशा काही जागांचा पर्याय निवडण्यात आला होता; मात्र या भागात झपाट्याने वाढणारे उद्योग आणि पर्यायाने जमिनीच्या वाढणाऱ्या दरांमुळे स्थानिक शेतकऱ्यांनी विमानतळाला विरोध केला. खेडमधील बंद पडलेल्या 'सेझ'च्या जमिनीवरही विमानतळाचा पर्याय सुचवण्यात आला होता; परंतु त्यालाही विरोध झाला. या विरोधामुळे खेडमधूनच विमानतळ हलवण्याचा विचार केला जात होता. तथापि, विमानतळासाठी कोये-पाईट-पाबळ व केंदूर येथील जमीन अत्यंत योग्य असल्याचे मत प्राधिकरणाकडून मांडण्यात आले आहे. त्या दृष्टीने प्राधिकरणाने गेल्या आठवड्यात जागेची पाहणीही केली. 'ही जागा तांत्रिकदृष्ट्या योग्य आहे की नाही, याचा अहवाल तयार करण्यात येत आहे. तो अहवाल तयार झाल्यावर मुख्यमंत्री फडणवीस यांच्याकडे सादर केला जाणार आहे आणि त्यानंतरच अंतिम निर्णय होण्याची शक्यता आहे,' असे सूत्रांनी सांगितले. पुण्यातील विमानतळासाठी २००७मध्ये प्रस्ताव तयार करण्यात आला. त्यानंतर तो आजतागायत जागानिवडीमध्ये अडकला आहे. आता मुख्यमंत्री कोणत्या पर्यायी जागेची घोषणा करतात याकडे लक्ष लागले आहे. ... हवी सलग १२०० हेक्टर जमीन नियोजित आंतरराष्ट्रीय विमानतळासाठी सलग किमान बाराशे हेक्टर जमिनीची आवश्यकता आहे. डोंगरांचा कोणताही अडथळा नसलेली सलग जमीन असणे या निकषाचाही यात समावेश आहे. लोहगाव विमानतळाचा रन-वे पूर्व-पश्चिम असल्याने नव्या आंतरराष्ट्रीय विमानतळाचा रन-वेही त्याच दिशेने करावा लागणार आहे. त्यासाठी सहा किलोमीटर लांब आणि दोन किलोमीटर रुंद जागेची आवश्यकता भासणार आहे. त्यापुढील भागात 'टेक-ऑफ' झोन करावा लागतो. टेक-ऑफ झोनमध्ये डोंगरांचे अडथळे येणार नाहीत, याची खातरजमा करावी लागते. जेजुरी व चौफुला हे दोन्ही पर्याय त्यासाठी योग्य असल्याचे प्रशासनाचे मत आहे.