माझ्या दत्ता अवधूता - दत्त भजन

माझ्या दत्ता अवधुता ब्रम्हचारी-हो
माझ्या दत्ता अवधुता ब्रम्हचारी।
राहे साहे माहुर गडावरी।माझ्या दत्ता॥धृ॥

प्रात:स्नाना येतसे भागिरथी-हो॥
माध्यान्हकाळी जाई तो गोदा तटी-हो॥
साय़ंकाळी स्वयंभू ज्याची मुर्ती।माझ्या दत्ता॥१॥

भिक्षा करी कह्राड कोल्हापूरी-हो॥
नेऊन भक्षी रंकाळ तळ्यावरी-हो॥
निद्रा करी अवधुत गिरीवरी।माझ्या दत्ता॥२॥

ऐसा दत्त-दत्त हा योगीराणा-हो॥
अनुसुयेचे पोटी बाळ तान्हा-हो॥
माधवदासांसी नित्य दर्शन देई।माझ्या दत्ता॥३॥