🙏सद्गुरू प्रार्थना 🙏
सद्गुरु नाथा, हात जोडीतो, अंत नको पाहू |
उकलुनी मनीचे, हितगुज सारे, वद कवणा दावू
||धृ||
निशीदिनी श्रमसी, मम हितार्थ तू, किती तुज शीण देऊ |
ह्रदयी वससी, परी नच दिससी, कैसे तुज पाहू ||१||
सद्गुरु नाथा, हात जोडीतो, अंत नको पाहू |
उकलुनी मनीचे, हितगुज सारे, वद कवणा दावू
||धृ||
उत्तीर्ण नव्हे, तव उपकारा, जरी तनु तुज वाहू |
बोधूनि दाविसी, इहपर नश्वर, मनी उठला बाऊ ||२||
सद्गुरु नाथा, हात जोडीतो, अंत नको पाहू |
उकलुनी मनीचे, हितगुज सारे, वद कवणा दावू
||धृ||
कोण, कुठील मी, कवण कार्य मम, जनी कैसा राहू |
करी मज ऐसा, निर्भय निश्र्चल, सम सकला पाहू ||३||
सद्गुरु नाथा, हात जोडीतो, अंत नको पाहू |
उकलुनी मनीचे, हितगुज सारे, वद कवणा दावू
||धृ||
अजाण हतबल, भ्रमित मनिची, तळमळ कशी साहू |
निरसूनी माया, दावी अनुभव, प्रचिती नको पाहू ||४||
सद्गुरु नाथा, हात जोडीतो, अंत नको पाहू |
उकलुनी मनीचे, हितगुज सारे, वद कवणा दावू
||धृ||
🙏🙏🙏🙏🙏
No comments:
Post a Comment