शिवजयंती गीत

आज शिवजयंती निमित्त
१९/०२/२०१८

धडकी भरते अजुनी बघता तलवारीचे पाते
शिवरायांच्या नावाने ही छाती फुगुनी जाते

जन्मा आला बाल शिवाजी शिवनेरीच्यावरती
माय जिजाऊ माता होती छोट्या शिवरायांची
नीतीमत्ता औदार्याचे बाळकडू मिळताना
विश्वापुढती आदर्शाचे मा पुत्राचे नाते

षोडश वर्षी राज्य उदय तो झाला मरहट्टयांचा
कोणी आम्हाला वाली नव्हता मेलेल्या जनतेचा
गो ब्राह्मण प्रतिपालक आणि तारक लेकी सुनांचा
ठिणगीने या जाज्वल्याच्या जादू घडुनी जाते

नाव जरासे उलटे वाचा छातीमध्ये भिडते
जरबेने अन् भीतीने ती मान शत्रूची झुकते
इतकी वर्षे सारी जनता आनंदाने जगते
मानाचा हा मुजरा राजे भिजले साश्रू पाते
® at fwa

© मकरंद बेहेरे
51022091