सप्तश्लोकी दुर्गा ( सप्तशती)

ॐ अथ सप्तश्लोकी दुर्गा (सप्तशती) ॐ अस्य श्री दुर्गा सप्तश्लोकी स्तोत्र मंत्रस्य नारायण ऋषि: अनुष्टुप् छ्न्द: श्री महाकाली महालक्ष्मी महासरस्वती देवता: श्री दुर्गा प्रीत्यर्थम् सप्तश्लोकी दुर्गा पाठे विनियोग: ॐ ज्ञानिनां अपि चेतांसि देवी भगवती हि सा बलाद् आकृष्य मोहाय महामाया प्रयच्छति ।।१।। दुर्गे स्मृता हरसि भीतिम् अशेष जन्तो: स्वस्थै: स्मृता मतिं अतीव शुभां ददासि दारिद्र्य दु:ख भय हारिणि का त्वदन्या सर्वोपकार करणाय सदार्द्र चित्ता ।।२।। सर्व मङ्गल माङ्गल्ये शिवे सर्वार्थ साधिके शरण्ये त्र्यम्बके गौरी नारायणि नमोऽस्तुते ।।३।। शरणागत दीनार्त परित्राण परायणे सर्वस्यार्ति हरे देवि नारायणि नमोऽस्तुते ।।४।। सर्वस्वरूपे सर्वेशे सर्व शक्ति समन्विते भयेभ्य: त्राहि नो देवि दुर्गे देवि नमोऽस्तुते ।।५।। रोगान् अशेषान् अपहंसि तुष्टा रुष्टा तु कामान् सकलान् अभीष्टान् त्वां आश्रितानां न विपत् नराणां त्वां आश्रिता हि आश्रयतां प्रयान्ति ।।६।। सर्वा बाधा प्रशमनं त्रैलोक्यस्य अखिलेश्र्वरी एवं एव त्वया कार्यम् अस्मद् वैरि विनाशनं ।।७।। इति सप्तश्लोकी दुर्गास्तोत्र सम्पूर्णा