दिवाळी येणार अंगण सजणार

शब्दमाहितीप्रिंट दिवाळी येणार, अंगण सजणार, आनंद फुलणार घरोघरी आमच्या घरी अन्‌ तुमच्या घरी ! रुप्याच्या ताटात, दिवा नि अक्षत, ओवाळणी थाटात घरोघरी आमच्या घरी अन्‌ तुमच्या घरी ! रांगोळीने सजेल उंबरठा, पणत्यांचा उजेड मिणमिणता नक्षीदार आकाशकंदील, नभांत सरसर चढतील ताई भाऊ जमतील, गप्पा-गाणी करतील प्रेमाच्या झरतील वर्षासरी, आमच्या घरी अन्‌ तुमच्या घरी ! सनईच्या सुरांत होईल पहाट, अत्तराचं पाणी, स्‍नानाचा थाट गोड गोड फराळ पंगतीला, आवडती सारी संगतीला फुलबाज्या झडतील, फटाके फुटतील सौभाग्य लुटतील घरोघरी आमच्या घरी अन्‌ तुमच्या घरी ! देवापाशी मागेन एकच दान, भावाच्या यशाची चढो कमान औक्ष असू दे बळकट, नको करू ताटातूट चंद्रज्योती हसणार, फिक्या फिक्या होणार भावाविण अंधार दाटे उरी, आमच्या घरी अन्‌ तुमच्या घरी !