तळणीचे मोदक

खास बाप्पांच्या नैवेद्यासाठी  खालील रेसिपी

तळणीचे मोदक

साहित्य – एक वाटी मैदा,एक वाटी साजूक तुपावर भाजून घेतलेलू कणीक, मुटका वळला जाईल इतपत कडकडीत वनस्पती तुपाचे  मोहन. चिमटीभर मीठ, अर्धा कप दूध व घट्ट पीठ भिजवायला आवश्यक तेव्हढे पाणी. पीठ पुरीच्या पिठाप्रमाणे घट्ट भिजवा व मळून एका बाजूला झाकून ठेवा.

मोदकाच्या आंत भरायचे सारण - चार वाट्या  ओल्या नारळाचा चव, आवडीनुसार दोन ते तीन वाट्या किसलेला गूळ किंवा  साखर. दोन चमचे भाजलेल्या खसखशीची पूड. (ऐच्छिक) एक कप साईसकट (मलाईचे) दूध, वेलदोडे पूड, चारोळी, बेदाणे,काजू व बदामाचे काप,खारकेची पूड,सारणात घालायला तांदूळाची पिठी  इत्यादी.

कृती – किसेला गूळ / साखर, दूध व ओल्या नारळाचा चव एकत्र  शिजवा. शिजवून कोरडं करा. त्यात एक चमचा तांदूळाची पिठी घाला. सारण गार होऊ द्या. टीप - या सारणात खारकेची पूडही घालतात. पिठाची पारी लाटून वाटीने एकसारख्या पुर्‍या कापून घ्या. लाटलेली पुरी हातावर घेऊन तिला द्रोणासारखा आकार देऊन  त्यात  सारण भरून मोदक तयार करून तळून घ्या.