श्री जोतिबा - आज रविवार रे ,जोतीबाचा वार रे

आज रविवार रे ,जोतीबाचा वार रे
जोतीबाचा चांगभला ,करा जयजयकार रे  ll

ब्रह्म विष्णु शिव अग्नी ,ज्योतिस्वरूप धारी रे
ज्योती स्वरूप धारी  l
उत्तरेचा केदारेश्वर ,आला रत्नागिरी रे
आला रत्नागिरी  l
चतुर्भुज राजा दयाधन, घोड्यावरती स्वारी रे
घोड्यावरती स्वारी रे  l आज रविवार रे ........

त्रिशूल डमरु खड्ग हाती,असुरांसि संहारी रे
असुरांसि संहारी  l
अमृतपात्र घेऊनी आला ,भक्तांचा कैवारी रे
भक्तांचा कैवारी  l
सह्याद्रीवरी ऊभा राहिला ,पंचगंगेच्या तीरी रे
पंचगंगेच्या तीरी रे  l

आज रविवार रे ,माझ्या देवाचा वार रे
जोतीबाचा चांगभला ,करा जयजयकार रे  ll