ॐ गं गणपतये नमः -पूजितो हृदयी चिंतामणी

कस्तुरगंधित रुपसुगंधित , प्रकटे नित्य मनी
पूजितो हृदयी चिंतामणी  ll
ॐ गं गणपतये नमः

ॐकाराचे दर्शन घडले ,सर्व सुखांचे सार गवसले l
तेज उजळले ब्रह्मान्डातुन, ज्ञान सुर लोचनी l
पूजितो हृदयी चिंतामणी  ll

झुळझुळतो हा झरा कृपेचा, योग प्रकटला सात जन्मांचा l विघ्नहरा या भक्तजणांचा ,आलास भूवरी l 

पूजितो हृदयी चिंतामणी ll 

मूर्तिमंत हे वैभव फुलते ,गजाननाच्या वदनी हसते l
मिटता डोळे द्वारा उघडते,स्वर्ग सौख्य चिंतनी l
पूजितो हृदयीं चिंतामणी ll