नाथ सखा ज्योतिर्लिंगा भेट दे मला
तन मन अर्पुनी शरण तुला ll
संसारी या विटुनी गेलो
राऊळी तुझ्या दर्शनी आलो
देहभान विसरून गेलो ,पाहतां तुला
नाथ सखा ज्योतिर्लिंगा भेट दे मला ll
दुष्ट दैत्य संहारोनि
सुखी केली नाथा अवनीं
भक्त तुझे वदती वदनी,चांगला भला
नाथ सखा ज्योतिर्लिंगा भेट दे मला ll
दीन दासी तव ही शांता
पदाम्बुजी ठेऊनी माथा
करीतसे विनंती नाथा ,मोक्ष द्या मला
नाथ सखा ज्योतिर्लिंगा भेट दे मला ll
No comments:
Post a Comment