अवधूत चिंतन _झुंजु मुंजु झाले आता उठा गुरुराया

झुंजुमुंजु झाले आता उठा गुरु राया
रवि किरणांची शोभा मिळेल बघाया ll

देऊन दुधाची धार धेनू रानी जाई
वसन्तातील कोकीला गोड गाणे गाई
चिवचिव त्या चिमण्यांचा तुम्हा जागवाया
झुंजुमुंजु झाले आता उठा गुरुराया ll

कळ्या वेलीवरच्या साऱ्या आल्याति फुलाया
पहाटेशी यावे देवा सुगंध लुटाया
ढवल्या पवल्या जाती मोट ही धराया
झुंजुमुंजु झाले आता उठा गुरुराया ll

झुळुझुळु वाहे पाणी नदीच्या किनारी
मंदिरात भगवंताच्या दंगले पुजारी
शंख नाद कानी पडतो तुम्हा जागवाया
झुंजु मुंजु झाले आता उठा गुरुराया ll