ॐ गं गणपतये नमः _आरती अक्षर गणेशाची

आरती गणराया ,परब्रह्म ओंकारा
अक्षर गणेशा तू शिव गौरी कुमारा ll

देवा तूची गणेशा,सर्व बुध्दी प्रकाशा
श्रुति वेद पुराणे तेवी मूर्ती सुवेशा ll

सहा शास्त्रे म्हणती ,ती भुजांची आकृति
विसंवाद्ये प्रति पाद्ये ती आयुधे हाती ll

वेदांतु महारसू जैसे मोदक हाती
तर्क न्याय नीति परशु अंकुशाप्रती ll

वेदोपनिषदे युक्त ज्ञान मकरंदे
मुकुटि रत्न जैसे ज्ञान फुले सुगंधे ll

अष्टदश पुराणे तेचि मणि भूषणें
वेद साहित्य वाणे ते अलंकार लेणे ll

स्मृति वेद पद शोभे कटी पिताम्बर
वैदिक वाङ्मय शोभे शेल्याची झालर ll

काव्य नाटके ती ,पायी घागऱ्याचा नाद
वेद सिध्दांत देई श्री गणेशाचा बोध ll

वक्रतुंड गुणेशा ,लम्बौदरेकदंता
ओंकार शब्दब्रम्ह नाम रूप अव्यक्तां ll

सर्व सृष्टी नियंता ,परब्रम्ह परमेशा
एकची तत्वमसी विधि हरी महेशा  ll

सचिदानंद रूप देई ज्ञान प्रकाशा
ज्ञान देवा वर्णिला अक्षर -गण -ईशा  ll