श्री यल्लम्मा देवी प्रसन्न -देवी स्तुती

सिंहारुढ होऊनी जगज्जननी ,खड्ग झाडी क्षणोक्षणी l
पवन वेगे करुनि ,भक्त सदना पातली  ll
कोटी विजेचा काढिला गाभा ,कोटी वीजेची पडली प्रभा
ऐसी दैदिप्यमान अम्बा ,भक्ते दृष्टी देखिली ll

अज्ञान अंधकार सरला ,भक्त हृदयी आनंद झाला l
ज्ञानसूर्य प्रकाशला ,मनीचा गेला अहंभाव ll
चरणीची भूषणें करिती गजर
तेणेचि नादे प्राणा मुकले  असुर l
पायी ब्रीदाचा तोडर, तोचि तारी पतिता ll

कर्दळी गर्भाचे परी ,मांडीया कोमल वेश्टील्या चिरी l
क्षुद्र किँकिणिच्या हारी ,माजि बांधिला सुजडित ll
कोटी विजांचा भडीमार , तैसे तळपे कनकाम्बर l
नाभीपासुन मुक्ताहार ,गळा घातला अम्बेच्या ll

हृदय संधिमाजि पातक ,वाटे दडला तमांतक l
क्षिप्र सारूनिया देख हृदय निकटि संचला  ll
तडीत प्राय पीत कंचुकि,अनंत अयुधे अष्ट हस्तकी l
शशी सुर्य सुवर्ण पंकी ,जडली तानवडे  ll

वज्रचुडेमंडीत हस्त ,दशमुद्रिका लखलखीत l
कर्णि भूषणें असंख्यात,मुक्त घोस .डोलती ll
दैत्य मर्दिले प्रचंड ,स्फुरती अम्बेचे भुजदंड l
जे दंड करुनि अखंड ,दुष्ट मर्दीले पॄथ्वीचे  ll